الرئيسية
يلا نبدا نخلي الفرخه
الاول نغسل الفرخه كويس وننقعها فى الملح والليمون ونشطفها ونصفيها كويس
فى صينيه نحط الفرخه على بطنها وظهرها لفوقومن اعلى الرقبه يعنى فى النص نعمل خط بطول الفرخه من اول الرقبه لغايه المؤخره ونبدا نمشى بالسكين من تحت الجلد على الجنب اليمين ونشيل براحه كل اللحم الموجود هو هيبقى قليل ومن الجنب الشمال نفرغ برضه لغايه ما نقدر نفصل الرقبه بالضلوع لوحدها زى كده
[ندعوك للتسجيل في المنتدى أو التعريف بنفسك لمعاينة هذه الصورة]
ولما تفصلى الجزء ده هتلاقيها بالشكل ده
[ندعوك للتسجيل في المنتدى أو التعريف بنفسك لمعاينة هذه الصورة]
بعدين ترفعى بطرف السكينه من جنب الفخد والضلوع اللى ورا براحه وتفصلى ناحيه من الصدر براحه ومن الناحيه التانيه لغايه ما تفصلى باقى العظمه زى كده
[ندعوك للتسجيل في المنتدى أو التعريف بنفسك لمعاينة هذه الصورة]وكده
[ندعوك للتسجيل في المنتدى أو التعريف بنفسك لمعاينة هذه الصورة]
وهيكون شكلها فى الاخر كده بعد ما شيلنا العظمه
[ندعوك للتسجيل في المنتدى أو التعريف بنفسك لمعاينة هذه الصورة]وبكده نكون خلينا كل الصدر وهيبقى شكله كده
[ندعوك للتسجيل في المنتدى أو التعريف بنفسك لمعاينة هذه الصورة]
نيجى باه للورك اواى نخليه
الاول نفتح فتحه جنب الفخد فتحه صغيره هنا كده
[ندعوك للتسجيل في المنتدى أو التعريف بنفسك لمعاينة هذه الصورة]
بعدين بطرف السكينه نفرغ حوالين العظمه ومن اخر الرجل نطلع العظمه كده كلها هتطلع بسهوله
كده
[ندعوك للتسجيل في المنتدى أو التعريف بنفسك لمعاينة هذه الصورة]ده طبعا بعد ما نكون خلينا العضمه اللى بتكون بالعرض برضه بطرف السكينه براحه كده
[ندعوك للتسجيل في المنتدى أو التعريف بنفسك لمعاينة هذه الصورة]
وتعملى الورك التانى بنفس الطريقه هيكون بس عندك الجوانح وهيبقى عندك فرخه مخليه زى الفل
يلا نتبلهاااااااااا
زبادى
ملح وفلفل وبهارات فراخ
مسترده
مايونيز
عصير ليمون
7 فصوص توم كبار مفرومين
طبعا من كل حاجه معلقتين كبار
نتيلها كويس من جوه وندهنا من بره مسترده كمان وندخلها التلاجه من بليل لتانى يوم وهيكون شكلها كده
[ندعوك للتسجيل في المنتدى أو التعريف بنفسك لمعاينة هذه الصورة]
يلا نشويها
هنحطها فى صينيه ونضيف ربع كوبايه ميه وندخلها الفرن ونقفلها بفويل ونراقبها عشان مش تتحرق هى هيطلع منها ميه وعصاره كافيه للسوا بعدين نكشفها ونولع الشوايه عشان تتحمر وكالعاده معايا فحمه سخنه وزيت فى كوبايه استانلس ونحطها فى الصينيه ونغطى 10 دقايق وبالهنا والشفااا
[ندعوك للتسجيل في المنتدى أو التعريف بنفسك لمعاينة هذه الصورة]
