ابراهيم ابوالسعود دردرة

مرحبا بك في موقعك
نتمني ان نفيدك ونفيد الجميع
مع تحيات
محاسب/ ابراهيم ابوالسعود
himasaoud@yahoo.com

انضم إلى المنتدى ، فالأمر سريع وسهل

ابراهيم ابوالسعود دردرة

مرحبا بك في موقعك
نتمني ان نفيدك ونفيد الجميع
مع تحيات
محاسب/ ابراهيم ابوالسعود
himasaoud@yahoo.com

ابراهيم ابوالسعود دردرة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

القصاصين الجديدة - الاسماعيليه - مصر

بِسْمِ اللهِ الرَّحْمنِ الرَّحِيمِ{1} الْحَمْدُ للّهِ رَبِّ الْعَالَمِينَ{2} الرَّحْمـنِ الرَّحِيمِ{3} مَالِكِ يَوْمِ الدِّينِ{4} إِيَّاكَ نَعْبُدُ وإِيَّاكَ نَسْتَعِينُ{5} اهدِنَــــا الصِّرَاطَ المُستَقِيمَ{6} صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ{7}
مرحبا بكم                 في موقعكم                ضيوفنا الكرام              مع تحيات                ابراهيم ابوالسعود
شكر خاص الي كل من ساهم في نشر الخير ومساعدة الغير وخاصة ( سلوتة - زهرة الاحلام ) علي مواضيعهم الرائعه والمتميزة وندعو الله خالصين لهم بالتوفيق وان يجزيهم الله خيرا وجعله في ميزان حسناتهم

    لتنظيف سريع

    سلووتة
    سلووتة
    عضو ذهبي
    عضو ذهبي


    انثى
    عدد المساهمات : 1175

    نقاط : 2715
    تاريخ التسجيل : 03/03/2010

    لتنظيف سريع Empty لتنظيف سريع

    مُساهمة من طرف Ø³Ù„ووتة الإثنين مارس 29, 2010 4:02 pm

    بيتنضيف بسرعه ومن غير تعب
    عارفين السر في ايه
    ؟؟؟؟؟؟؟؟؟؟
    في حديث( بورك لامتي في بكورها)
    ساعتين بعد الفجر عمرهم مايتعوضوا
    وكمان حلوين للي اولادهم صغيرين وبيناموا في الوقت ده ممكن تخلص في ظرف ساعتين وتروح تكمل نومها جنبهم
    هاتبدأي برش الحمامت بمنظف وتسيبيهم للاخر
    وتدخلي على غرفة الانتريه (اذ ربما يجيلك ضيف على سهوه)
    و في كل اوضه حطي سلة زباله او كيس
    ولمي المخلفات الكبيره بسرعه بسرعه
    وشيلي اي حاجه تخص المطبخ مثلا مع بعض ودخليها(وياريت اصلا كل حاجه كلنا او شربنا فيها تتشال في وقتها
    ولمي الهدوم في سبت الغسيل بسرعه بسرعه (وفي وقت تاني وانتي قاعده بتتفرجي على حاجه ولا بترغي مع الراجل تبقي تجيبي السبت تتسلي فيهم )
    وتنفضي الكراسي وكل حاجه بسرعه وتكنسي الارض
    وتولعي عود بخور وتقفلي
    وتتنقلي على اللي بعده بنفس الطريقه
    وخلي دايما لعيالك مكان يلعبوا فيه وحدديلهم كام لعبه كده واقفلي على الباقي مش ناقصه كركبه وبعد كام يوم شيلي اللعب القديمه وطلعي جديد
    وساعة الاكل افرشي ملايه كبيره كلوا عليها وخديها نفضيها بره وتفضل السجاده نضيفه
    وتدخلي على المطبخ
    تستعيني بالله وتحطي طبق بلاستيك كبير فيه ميه سخن وصابون وبالسفنجه والسلكه الايستلس وتشتغلي واللي يتصبن يتحط في الحوض (يكون نضيف طبعا)
    وتفتحي عليه الميه وتشطفي بسرعه وخلي ايدك خفيفه
    وبعدين ابداي ادعكي الرخامه والبوتجاز وكل الاسطح
    ونشفي بقماشه قطن نضيفه
    وانتقلي للارض احسن طريقه للمسح وفي الشقه كلها مش المطبخ بس
    تيشرت قطن مبلول في ميه دافيه فيها كلور او جنرال او حتى فنيك وتعصريه نص عصره
    وتلفي طرفه على المساحه وتجري بيه في اتجاه واحد هاتشوفي بقى الشعر والتراب والبلاوي اللي مش شايفها وهاتلميهم في النهايه والطريقه دي افضل من مسحك بالقماشه هنا وهنا في اتجاهات مختلفه ممايؤدي الى سوري تلييط البلاط
    وتدخلي على الحمام بالسلك تدعكي الحوض
    والسراميك ممكن بالمقشه الناعمه في جردل الصابون وهاتيك يادعك سريعا وبخرطوم تشطفي ويبقى قشطه
    والتواليت تلبسي كيس وبالسلكه وتدعكي وترمي الكيس بالسلكه (مابعزش فرشة المرحاض وباقرف منها موت)
    وسطلين ميه هههههههه تدلقيهم في الارض وتولعي عود بخور ويبقى فله
    وتخرجي بقى تكون الغساله خلصت
    تطلعي الغسيل وتشطفي فوط المطبخ بميه سخنه وبعدين تعمليلهم غسله علشان يفضلوا نضاف
    وممكن اثناء ده كل تكوني معلقه على الطبيخ
    ومافيش مانع تكوني ضاربه الطماطم من بالليل ومفرطه البسله او عمله خلطة المحشي الخ ارغي مع الراجل وانتي شغاله ماتضييعيش وقت
    وبعد ماتنشري الهدوم خدي حتة قماشه نضيفه وبليها داوني وشوية خل وميه دافيه
    واعصريها حلو وامشي بقى لمعي اي حاجه تيجي تحت ايدك
    وتذكري احسن طريقه لجعل البيت نضيف اننا مانسيبوش يتوسخ اصلا
    يعني كل ماتبصي للبيت تلاقيه نضيف وتقولي ارتاح النهارده تذكري انك هاترتاحي النهارده وتتعبي بكره
    اعمل نفس الخطوات حتى لو ظاهريا البيت مش محتاج وهو ده السر في النضافه
    وخلي يوم مناسب ليكي في الاسبوع نضفي فيه بعمق يعني مره ادراج المطبخ
    مره اسطح النيش والدولايب
    مره تحت التلاجه والغساله
    مره دواليب الهدوم
    وهكذا
    وربنا يعينا جميعا ويهديلنا عيالنا
    الشغل مش متعب لو فعلا لينا نفس نشتغل
    ولذلك بعد ماتخلصي شغلك دايما دللي نفسك واستحمي كده والبسي ماتحبي واعملي لنفسك حاجه بتحبيها او اشتري حتى لنفسك شوكلاتيه او حاجه حلوه نفسك فيها وكافئي نفسك
    واكتر حاجه بتجيب اكتئاب انك تضيعي صلوات وانتي شغاله اوعي تعملي كده علشان تبقى نفسيتك دايما تمام
    لان الصلاه بتغسل النفس
    عن أبي هريرة رضي الله عنه قال: سمعت رسول الله صلى الله عليه وسلم يقول: أرأيتم لو أن نهراً بباب أحدكم يغتسل منه كل يوم خمس مرات هل يبقى من درنه شيء؟ قالوا: لا يبقى من درنه شيء، قال: فذلك مثل الصلوات الخمس يمحو الله بهن الخطايا) متفق علي
    واخر حاجه تعمليها ترمس شاي محترم وشوية بسكوت او كيك علشان تخلصي كل شويه من عبارة عايز كوباية شاي وتشمي نفسك شويه بقى هههههههههههههههههههه
    اسالكم الدعاء
    منقول
    ك

      الوقت/التاريخ الآن هو الخميس مارس 28, 2024 2:17 pm