مقاديرنا :
قطع لحم اى نوع بتحبيه وقطعيها قطع حسب افراد الاسره
وجيبى خضار مشكل زى بسله وفاصوليا خضرا وكمان كوسه وبطاطس وجزر
وبصله ومعاها ملح وفلفل وشطه
طريقتنا :
طبعا الطبق ده ممكن تقدميه مع رز ابيض او رز بالشعريه وكمان طبق سلطه
اما طبقنا ياحلوين فقطع اللحم اللى جهزتيها اسلقيها علشان يبقى عندك شوربه لحمه تكون جنب طبقنا النهارده طبعا ده للى بيحب يشرب شوربه ...
وعقبال ما تتسلق جهزى البصله وقطعيها حلقات وتبليها بالتوابل ....
وروحى للخضار وقطعى الكوسه والجزر والبطاطس حلقات او مربعات حسب ما تحبى
وضيفى عليهم البسله والفاصوليا كمان وقلبيهم مع البصل المتبل وسبيهم مع بعض وحطيهم جوا ورق فويل جوا صينيه
ولما تتسلق اللحمه (اوعى تهريها لانها هتكمل سواها مع الخضار )..طلعيها وحطيها وسط الخضار واسقيهم كلهم كبشه صغيره شوربه ...وممكن تضيفى شويه طماطم معصوره على الوش علشان اللون ولو مش عايزه بلاش .
ولفى الورقه الفويل عليهم وبعدين ...
حطى شويه ميه فى الصينيه من حوالين الورق اللى انتى قفلتيه على الخضار وكل شويه شقرى على الميه كل ما تنقص زوديها شويه ميه (لكن ده لو هتسويها على البوتجاز عادى اما لو هتستخدمى حله ضغط فبلاش تحطى ميه فى الصينيه )
وابقى شقرى على الخضار استوى ولا لاء ...
ولما يستوى فضيه فى طبق غرف كبير وجنبه الرز والشوربه وطبق السلطه
وبالف هنا (يارب تعجبكم )
قطع لحم اى نوع بتحبيه وقطعيها قطع حسب افراد الاسره
وجيبى خضار مشكل زى بسله وفاصوليا خضرا وكمان كوسه وبطاطس وجزر
وبصله ومعاها ملح وفلفل وشطه
طريقتنا :
طبعا الطبق ده ممكن تقدميه مع رز ابيض او رز بالشعريه وكمان طبق سلطه
اما طبقنا ياحلوين فقطع اللحم اللى جهزتيها اسلقيها علشان يبقى عندك شوربه لحمه تكون جنب طبقنا النهارده طبعا ده للى بيحب يشرب شوربه ...
وعقبال ما تتسلق جهزى البصله وقطعيها حلقات وتبليها بالتوابل ....
وروحى للخضار وقطعى الكوسه والجزر والبطاطس حلقات او مربعات حسب ما تحبى
وضيفى عليهم البسله والفاصوليا كمان وقلبيهم مع البصل المتبل وسبيهم مع بعض وحطيهم جوا ورق فويل جوا صينيه
ولما تتسلق اللحمه (اوعى تهريها لانها هتكمل سواها مع الخضار )..طلعيها وحطيها وسط الخضار واسقيهم كلهم كبشه صغيره شوربه ...وممكن تضيفى شويه طماطم معصوره على الوش علشان اللون ولو مش عايزه بلاش .
ولفى الورقه الفويل عليهم وبعدين ...
حطى شويه ميه فى الصينيه من حوالين الورق اللى انتى قفلتيه على الخضار وكل شويه شقرى على الميه كل ما تنقص زوديها شويه ميه (لكن ده لو هتسويها على البوتجاز عادى اما لو هتستخدمى حله ضغط فبلاش تحطى ميه فى الصينيه )
وابقى شقرى على الخضار استوى ولا لاء ...
ولما يستوى فضيه فى طبق غرف كبير وجنبه الرز والشوربه وطبق السلطه
وبالف هنا (يارب تعجبكم )