الرئيسية
بسم الله نبدا
المكونات
1- ملح - فلفل اسود - كارى - كركم - بهارات فراخ - كمون
واللى معندهاش كارى وكركم مش مشكلة
وعلى فكرة انا مبحبش احط توابل كتير او بكميات كبيرة علشان متغطيش على طعم الفراخ
2 -فراخ مسلوقة ممكن صدور او وراك مش هتفرق انا عملت صدور
3 - برغل نااااااااعم متنقى ومنقوع لمدة ساعة او اقل
4 - بقسماط ناعم
5 - بطاطس مسلوقة ولو مش عاوزة تحطى براحتك
نيجى بقى للطريقة
1 - فصصى الفراخ واهرسى البطاطس وصفى البرغل كويس جدااااا من ميته
2 - حطى نص كمية الفراخ فى الكبة وعليها نص كمية البرغل وشغلى
3 - لو لقيتى الكبة ممشيتش معاكى والعجينة بتاعة الكفتة لسة خشنة حطيلها 3
او 4 معالق مية صغيرين واديها لفتين كمان هتلاقيها بقت ناعمة ان شاء الله
5 - طلعيها وحطى نص الكمية الباقى وشغلى بنفس الطريقة
6 - بعد ماتخلصى حطيها فى طبق وعليها التوابل كلها والبطاطس والبصل واعجنيهم بايدك
7 - حطى البقسماط شوية بشوية لحد ماتحسى ان العجينة بتاعة الكفتة مبقيتش تلزق فى ايدك وسهل انك تصبعيها
8 - بعد ماتصبعيها حطيها فى البيض ثم البقسماط
وقدامك حلين
يا اما تسيبيها نص ساعة على رف التلاجة وبعدين تطلعيها تقليها
يا اما ترصيها فى اطباق وتحطيها فى الفريزر وتطلعيها قبل القلى بربع ساعة
اسيبكم بقى مع الصور
[ندعوك للتسجيل في المنتدى أو التعريف بنفسك لمعاينة هذه الصورة]
دلوقتى هقولكم انا عملتها ازاى من غير م ادفع فيها ولا ملييييييييم
كان عندى 3 صدور فراخ فى الفريزر مكانوش هيكفونا
وكان عندى بطاطساية واحدة بس اه والله هى اللى انا عملتها دى
وكان عندى برغل كنت ناسياه
وكان عندى كام واحدة بقسماط بتاع الشاى ابنى ماشاء الله عليه مدهول بيهم
الشقة وكل شوية ياخد واحدة يكسرها ويفرفتها ويرميها وانا اكنس وراه
فلميت كللللللللللللللل دة وعملت الكفتة دى
والله يابنات طلع طعمها حلو اوى
انتوا كمان ممكن تعملوا كدة يعنى لو كل مرة عملتوا فيها بانيه شيلتوا حتة او حتتين نيين على جمب مش هياثروا وحطوهم فى كيس فى الفريزر
انا والله الكمية دى عملتلى 36 صباع
وعلى فكرة
ممكن بنفس الخطوات تعملى كفتة لحمة ببرغل بس مينفعش تحطى فيها بطاطس وطبعا اللحمة بتبقى نية ومفرومة
انا كدة خلصت يا بنات
مش عاوزة منكم حاجة غير
دعوة بصلاح حالى انا وابنى وجوزى وتوسيع رزقنا وهداية ابنى
وان ربنا يحققلى اللى فى بالى[/size][/size][/i][/size][/i][/size][/i][/size][/i][/size][/i]منقول
