الرئيسية
الحلقه
50
ميرنا: سارة ,بقلك ايه ,احنا مش اهلها ,هي حرة , عندها مخ تفكر بيه, متنكديش علينا كل خروجة كده.
سارة: والله مش انا الي بنكد علينا, هي الي بتعمل كده لما بتجيبه كل مرة.
ميرنا: يعني انتي يرضيكي نقولها متجيبوش, تروح تقابله برة لوحدها, اهي على الاقل تحت عنينا, وكده احنا واثقين انها مش بتعمل حاجة من ورانا, يا شيخة ما تطهقيهاش مننا,لو كنتي خايفة عليها بجد.
نظرت سارة صوب احمد ومنى, الواقفان بعيدا عنهما يتحدثان.
سارة: منا ببقي ناوية اعمل كده, بس اول ما بشوفه, اعوذ بالله معرفش ايه الي بيحصلي.
ميرنا: خلاص بقي عديها ,اهي الدراسة بعد اسبوعين وهنرتاح من الهم دا خلاص.
سارة: وانتي ايه اخبارك, مازن عمل حاجة جديدة؟.
ميرنا: اهو زي ماهو , ما بيبطلش اتصال وبحبك وكلام من الفاضي دا بقي, بس المشكلة دلوقتى مش في مازن خالص.
سارة: امال في مين؟.
ميرنا: خالد الي كنت حكيتلكو عليه, ابن صاحب الجاليري الي جمب محل بابا, لما كنت بروح هناك , كان رايح جاي عليا يهزر ويسلم وبتاع, بس انا مكانش في بالي, مكنتش فاضية , بس لما خلاص بطلت انزل المحل , متعرفيش جاب نمرتي منين؟ , بيتصل يستظرف كل شوية, عاملي فيها اصحاب.
سارة: احنا مش كنا اتفقنا ان مفيش حاجة اسمها صحوبية؟.
ميرنا: منا خدت بالي , وبعدين دا ولد كبير , 26 سنه ولا حاجة,راجل يعني, مش لايق عليه الاستظراف.
سارة: وبعدين هتعملي فيه ايه؟.
ميرنا: والله ,انا هقوله متكلمنيش تاني, لان مفيش داعي نتكلم اصلا.
سارة: ماشاء الله عليكي كبرتي وعقلتي,..... تربيتي.
ميرنا: انا بعد موضوع مازن , مفتكرش اني ممكن البخ تاني, كفاية عليا مرة, الواحد اتعلم , دا حتى الي ميتعلمش من الي حصلي يبقي ...
سارة: ايه دا ؟,بصي مين دي كده؟......, مش دي شيرين.
التفتت ميرنا تنظر حيث اشارت سارة, وقالت.
ميرنا: ايوة هي , تفتكري شافتنا؟.
سارة: اه, لانها جاية علينا.
اقبلت شيرين علي الفتاتين مرحبة.
شيرين:ازيكو,مفيش سؤال ابدا؟؟,ولا حتى ميسد؟؟.
ميرنا: والله وحشانا جدا , عاملة ايه؟, عملتي ايه في النتيجة.
شيرين: نتيجة مين يا بنتي انتي لسة فاكرة؟, عديت طبعا.
سارة: واخبارمحمود ايه؟.
شيرين: صحيح , كويس اني شفتكو, عشان اعزمكو ع الخطوبة , بعد اسبوعين ان شاء الله , اوعو متجوش هقتلكو, وبلغو منى كمان.
ميرنا: بلغيها بنفسك.
واستدارت تنظر صوب منى واحمد, بينما تجهم وجة شيرين حين رأتهما .
شيرين: ايه دا وايمو كمان؟, وفر عليا , كنت هكلمه اعزمه.
وتركت الفتاتين وتوجهت ناحيتهما.
سارة: شفتي , وقفتها دي هتخلى الناس كلها تشوفها.
ميرنا: انا مكسوفالها اوي , هي وشيرين مش تمام من ساعة ما عرفت.
سارة: ربنا يستر بس ومحدش تاني يشوفها.
******************
انتفضت منى لدي رؤيتها شيرين تقترب, اخر ما كانت تتمناه هو ان تراها شيرين في هذا الوضع خاصة بعد معرفتها بعلاقتهما, نبهت احمد ,الذي كان مستغرقا في الحديث.
شيرين: ازيكو.
وقبلت منى بفتور, وسلمت على احمد بأطراف اصابعها وليس كما اعتادت بحرارة.
منى: ازيك يا شيري؟, اخبارك ايه؟.
شيرين: الحمد لله, وانتو عاملين ايه؟, والله كنت لسه هكلمك اعزمك ع الخطوبة , يلا , اديني شفتك.
احمد: هي امتى؟.
شيرين: الجمعة الي قبل الدراسة, في نفس القاعة الي عملت فيها هبة اختى.
احمد: اه , كانت حلوة اوي, طيب اكيد هحضر.
منى: ان شاء الله .
شيرين: ماشي يا شباب عايزين حاجة؟.
منى: لا ميرسي يا شيري.
شيرين: طيب اشوفكو في الخطوبة.
وانصرفت عنهما ,ثم التفتت وقالت .
شيرين: بس متجوليش سوا.
وتركتهما, شعرت منى بان الكلمة اغضبتها, ,بالطبع هذا لم يكن في مخططها , فوالدتها ستكون في الحفلة , وشعرت بالكلمة كأنها مقصودة, أي ان سلامها عليهما لم يكن اقرارا منها برضاها عن علاقتهما, وكأنها ابت الا ان تذكرهما بخيانتهما لها.
قال احمد في غيظ.
احمد: انا مش قلتلك دي لسه بتفكر فيا.
التفتت منى اليه في دهشة غاضبة لما قاله.
منى: ايه الي خلاك تقول كده, انت اتجننت, طبعا لا, البنت اتخطبت, ومتتكلمش على الناس تاني وانت معايا.
احمد: طيب ايه الي خلاها تقول كده يا ذكية؟.
منى: عشان هي متضايقة من ان احنا ارتبطنا من وراها, وعشان هي صاحبتنا احنا الاتنين واحنا خناها, انت نسيت ان هي الي معرفانا على بعض.
م*وعشان هي حذرتني منك وانا مسمعتش كلامها
احمد: والله انتي عبيطة, وهتفضلي طول عمرك عبيطة, يا بنتي افهمي بقي, دي بتغير منك, والناس الي انتي فاكراهم اصحابك دول برضو بيغيرو منك, يعني سارة وميرنا الي لازقينلك دول ومبيسيبوكيش لوحدك ابدا ,متضايقين, مش عايزينك تاخدي راحتك , عايزين يبقو على طول مراقبينك.
منى: وايه الي يخليهم يعملو كده؟.
احمد: عشان هما فاضيين, فاضيينلك,
منى: لأ طبعا ,عمرهم ما هيفكرو كدة.
احمد: يامنى , مش عشان انتي طيبة يبقي كل الناس طيبة.
منى: ومين قالك اني طيبة ؟,ولا فاكرة كل الناس طيبين؟.
احمد: تصرفاتك مع اصحابك, انتي مأمنالهم اوي, دانتي حتى بتخافي على زعلهم اكتر من زعلى انا.
منى: انت هتغير من اصحابي ولا ايه؟, مش ميت مرة هقلك , انت حاجة وهما حاجة.
احمد: بس انا المفروض اكون اهم.
أ*قولي اني اهم ,مرة في حياتك بقي
م*نفسي اعرف مين الي عمل المفروض دا؟؟
منى: انت ليك اهميتك وهما برضه, مفيش وجة مقارنة اصلا , انت حاجة وهما حاجة.
احمد: بس انتي مش محسساني كده, انتي دايما بتفكري فيهم قبلي.
مني: احمد, انت بقيت لا تطاق , مش معقول كل مرة اشوفك بمشكلة, ارحمني شوية.
احمد: يعني ايه يعني؟, انا بقيت لا اطاق , لا بقي يا منى انتي بقي الي بقيتي غريبة, من ساعة ما اصحابك عرفو وانتي مقلوبة عليا, كنتي الاول مش شايفة غيري , دلوقتي بقيتي مش شايفاني.
منى: احمد ,انا مش عارفة انت جايب الافكار دي منين, انت بقيت بتتخانق معايا على اقل حاجة وكل حاجة, مش ممكن كدة, انا تعبت معاك , مش عارفة ارضيك ازاي, عايزني كده على طول لوحدي, من غير اصحاب ومن غير اهل ومن غير حد, وعلى طول مش واثق فيا, انت عايز تعمل مشاكل وخلاص , عاجباك للدرجة دي؟.
احمد: انتي الي مبقتيش زي الاول, كل الناس عندك اهم الا انا, وكأني اخر حاجة في تفكيرك, انا استاهل منك اهتمام اكتر من كده.
منى: انت فاهم الحب غلط, ودا مش كويس على علاقتنا.
احمد: انتي الي مش فاهمة يعني ايه حب اصلا, وهتفضلي كده طول عمرك باردة.
نظرت اليه منى بغضب, هذه ثاني مرة يشير الي برودها, ولكن هذه المرة بقصد, وعينيه في عينيها وبكل تصميم ,ولم يعتذر , فصمتت , ونظرت اليه والشرر يتطاير من عينيها.
منى: بص بقي, هو انا كدة , عاجبك عاجبك مش عاجبك, روح دور على فرن كهربا, لكن انا تلاجة زي ما بتقول, ومعنديش ليك كلام تاني.
وانصرفت غاضبة , وهو ينظر اليها وهي تغادره في عنف.
******************
ميرنا: يعني انتو اتخانقتو ليه؟.
منى: مفيش.
ميرنا: ازاي مفيش؟, دانتي سبتيه وانتي بتدخني من ودانك , وهو كان شايط ولا سلمتى عليه ولا قالك هو حتى باي, فيه ايه بس؟.
منى: يوووووووووه بقي يا ميرنا, قلت مفيش, متقرفنيش بقي انتي كمان.
ميرنا: انتي هتطلعي فيا قرفك, انتي حرة , , انا مالي اصلا.
سارة: خلاص يا ميرو اسكتي, سبيها براحتها, هي شكلها مخنوق , متضغطيش عليها دلوقتى.
ميرنا: هو انا جيت جمبها اصلا؟, هي الي بتخانق دبان وشها.
لكزتها سارة بمرفقها تسكتها.
سارة: قلنا خلاص.
وصمت الجميع بقيت الطريق لبيت منى , تركتاها عند بيتها وانصرفتا.
ميرنا: يا سلام , دلوقتى عملالي فيها محامية.
سارة: لأ طبعا , بس انا شايفة انها بدأت تفوق شوية, اسيبها لما تفوق , مقعدش اضغط عليها عشان تفرقع.
ميرنا: تفوق مين يا بنتي , دي متورطة جامد سارة: حتى لو, برضة هي بدأت تشوف الوش التاني للصحوبية, ماهو مش كله حب حب, برضه فيه قرف ومشاكل وغيرة وخنقة وخوف, خليها تجرب عشان تتعلم.
ميرنا: وانتي من امتي بقيتي عاقلة كدة؟.
سارة: انا لسه عند كلامي, بس انا شايفة اني لو غيرت اسلوبي معاها شوية ممكن اأثر فيها اكتر.
ميرنا: ربنا يهديكو انتو الاتنين وتعقلو.
سارة: انا كنت شديدة عليها شوية, بس خلاص, انا من هنا ورايح , هكون سابورتيف اكتر.
ميرنا: يا عيني يا ست منى, غيرتلنا سارة.
سارة: دا مش تغيير في المبادىء , دا تغيير في الاسلوب, انا لسه تفكيري واحد.
ميرنا: انتي صاحبة جميلة اوي, انا مبسوطة ان عندي صاحبة زيك.
سارة: وانا مبسوطة اني بتعلم منكو كل يوم حاجة جديدة, وبعدين الاصحاب لازم يكونو موجودين عشان بعض دايما, ولا ايه, الاصحاب خروجات وعزومات وبس
